Bestill medlemskap her

Medlemsfordelar

Ein del av overskotet til kraftlaget kan betalast ut som kjøpsutbytte, og kor stor utbetaling du får avheng av kor mykje du handlar hos Finnås Kraftlag. Oppteninga di startar den månaden du blir medlem.

I 2023 betalte me ut 13,5 millionar kroner i kjøpsutbytte. Ein totalkunde med eit forbrukbruk på 20.000 kWh fekk då  om lag 3000,- kroner i kjøpsutbytte. Utbyttebeløpet er basert på handel med kraftlaget året før (i dette eksempelet handel i 2022). I 2024 er kjøpsutbytte auka til 24 millionar kroner. 

Som medlem har du stemmerett på årsmøtet, og kvart medlemskap har ei stemme. Det vil seia at di stemme på årsmøtet er like mykje verd som Bømlo Kommune si! På årsmøtet kan du påverka kva kraftlaget skal satsa på i åra framover, og du stemmer på personar du har tillit til å sitja i styret.

Har du blitt medlem i år? Eller meldt deg ut?

Du får kjøpsutbytte basert på den handelen du har gjort så lenge du er medlem. Det vil sei at dersom du melder deg inn i juli, får du kjøpsutbytte basert på handel i perioden juli-desember. Kjøpsutbyttet blir utbetalt året etter, basert på kraftlaget sitt overskot og årsmøtet sitt vedtak. Personar som har blitt medlem i år, får altså kjøpsutbytte først til neste år.

Krav for å bli registrert som medlem

Medlemskap i samvirkelaget Finnås Kraftlag SA er frivillig og både privatpersonar og bedrifter kan melda seg som medlem. Vedtektene våre seier at privatpersonar må vera folkeregisterført i Bømlo Kommune for å bli medlem: 

§ 4.2 Medlem kan vera

• Personar som er folkeregisterførte i Føretaket sitt konsesjonsområde og som kjøper varer eller tenester anten frå Føretaket eller av eit selskap som Føretaket eig åleine,
• Organisasjonar/verksemder som kjøper varer eller tenester knytt til aktivitet i konsesjonsområdet, anten frå Føretaket eller av eit selskap som Føretaket eig åleine.

For eigarar av partar som er erverva før 01.10.2010, gjeld ikkje kravet om å vera folkeregisterført i konsesjonsområdet.

Fyll ut bestillinga under og få tilsendt SMS med betalingsinformasjon for medlemsinnskot. Ein vert registrert som medlem frå dato for innbetaling: