Straumprisen for dei fleste strømprodukta våre er avrekna time for time.

I løpet av 2019 fekk dei aller fleste husstandane i vår region og i Noreg fått installert smarte straummålarar (AMS). Dei nye målarane registrerer automatisk straumforbruket ditt time for time. Med dei gamle målarane blei straumen manuelt avlest og forbruket stipulert ein gang i månaden.

Timeprising gir ei meir presis avrekning og betyr at du som kunde betaler nøyaktig det straumen kostar den enkelte time på kraftbørsen, pluss vårt tillegg for det strømproduktet du har hos oss.

Dei fleste kundane våre har vårt spotprodukt "Spot-on-Bømlo" På Mi Side kan du sjekke kva straumprodukt du har og kva forbruket ditt har vore i den enkelte time.

Korleis blei straumprisen avrekna før innføring av timepris?
Spotprisane fra Nord Pool, den nordiske kraftbørsen, varierer vanlegvis time for time gjennom døgeret. Det var ikkje mogleg å vite timesforbruket med dei gamle straummålerane. Derfor blei vår pris ut til deg som kunde rekna ut frå ein gjennomsnittspris av spotprisane vekta opp mot normal forbrukskurve. Konsekvensen var at to kunder som brukte like mykje straum men til ulike tider og til forskjellig timepris, likevel betalte den same gjennomsnittsprisen.

Kvifor har me starta med timeprising av straumen?
En timebasert pris er meir rettferdig ovanfor den enkelte forbrukar – du betaler kun for den straumen du faktisk brukar den enkelte timen. Timeprising åpnar også opp for at du som kunde kan påverke din eigen straumrekning i større grad enn tidligare.

Vel du å bruke straumen smart, for eksempel ved å flytte elbillading og klesvask fra ettermiddagen til kveldstid når straumen er billegare, skal du belønnast med lågare straumutgifter. Å vaske klær og lage middag på natta er ikkje smart og noko me ikkje anbefalar. Å lade elbil med eigen dedikert elbilladar er noko som kan skje nattestid når straumen som regel er rimelegare.

Kvar kan eg sjekka dei gjeldande timeprisen?
Variasjonen i straumprisane time for time kan du sjå på Nordpool sine sider. Vårt påslag for det straumproduktet du har valt og mva kjem i tillegg.

Korleis kan eg sjekke mitt eige straumforbruk time for time?
Ei detaljert oversikt over ditt straumforbruk time for time, finn du ved å logge deg inn på Mi side.

"Spot-on-Bømlo" betyr at du betalar den til ei kvar tid gjeldane spotprisen¹⁾ (NO2) på den nordiske kraftbørsen, men med eit påslag. Kundar utan timesmålar (AMS målar) vil bli avrekna ein forbruksvekta spotpris ²⁾. Då forbruket vil variere gjennom døgeret for den enkelte kunde, vil og snittprisen pr. kunde variere. Me bereknar snittprisen basert på totalforbruket til våre kundar og legg denne ut på våre nettsider. Den eksakte snittprisen for kvar enkelt kunde vil ein finne på Mine sider og på fakturaen.

Finnås Kraftlag har eit påslag på kun 5 øre/kWh inkl. mva og inkludert kostnader med elsertifikat ^3).  

Me har ingen fastavgift, fakturgebyr eller andre skjulte påslag.

Som medlem har du rett på kjøpsutbytte på all handel med laget.

¹⁾  Kva er spotpris?

Straumprisen varierer for kvar time gjennom døgeret. Pris for neste døgn blir kjent ca. kl. 13:00. Då kan ein logge inn på Nordpool sine nettsider og sjå kva prisen blir i kvar time neste døgn. Det er tilbod og etterspørsel som påverkar kva prisen blir i den enkelte time. Er det vindstille, tørt og kaldt vil normalt dette bety høgare prisar enn i tilfelle der det er vått, vind og mildt. Alle som har AMS-målar vil bli fakturert for faktisk forbruk i den enkelte time. Kundar utan AMS-målar vil bli fakturert etter forbruksveid pris. Sjå under for meir info om denne ordninga.

²⁾  Kva er forbruksveid pris?

Månadsprisane du finn hos Nord Pool er gjennomsnittsprisen for alle timane i månaden. Prisen tek ikkje omsyn til forbruksmønster, dvs. at alle timane i heile perioden får same forbruk. Realiteten er at forbruket av straum varierer gjennom døgnet, gjennom veka og mellom vekene. Det same gjer prisane. Forbruksveging tek omsyn til dette, og koplar forbruket på eit tidspunkt til prisen på same tidspunkt.

³⁾  Kva er Elsertifikat?

Frå 01.01.2012 vart det innført lovpålagte Elsertifikat. Dette er ei støtteordning for kraft produsert frå fornybar energi. Straumkundane finansierar ordninga ved at straumleverandørane legg elsertifikatkostnaden inn i straumprisen. Kravet frå NVE er at denne kostnaden skal inngå i påslaget vårt. 

Det er for tida stor uvisse i kraftmarknaden og vanskeleg å spå kva framtidsprisen vil bli. Finnås Kraftlag handlar all straum i spotmarknaden, og kan difor ikkje tilby fastprisavtalar til våre kundar.

For næringskundar forsøkjer me å få til avtale med kraftprodusentar om sal av langsiktige fastprisavtalar. Førebels har Statkraft berre inngått slik avtale med to aktørar, men har lova at dei vil tilby dette også til andre aktørar.