16. juni vedtok stortinget innføring av Norgespris gjeldande frå 1. oktober 2025 – kva betyr dette for deg som kunde i Finnås Kraftlag? 

Bilde av stortinget

 

Kva er Norgespris?

  • Norgespris er ei statleg finansieringsordning som gir fast straumpris kvar time på 50 øre/kWh (inkl. mva.)  (Påslag til kraftleverandør, nettleige og offentlege avgifter kjem i tillegg.)
  • Kan nyttast av både bustadhus og fritidsbustadar (med forbrukstak) – ikkje næringskundar.
  • Gjeld månadsforbruk opp til 5000 kWh for privathushald og 1000 kWh i fritidsbustadar
  • Velg mellom Norgespris eller (automatisk) hald fram med straumstøtteordninga som finnes i dag
  • Korleis ein bestiller Norgespris er førebels ikkje klart, me vil informere så snart detaljene er på plass.  
  • Første periode med Norgespris skal gjelda frå 1. oktober 2025 til 31. desember 2026. Det blir fastsett ny fastpris frå 1. januar 2027 *
  • Sjølv om du vel Norgespris må du framleis ha ein straumavtale med din kraftleverandør. Avtalen du har med Finnås Kraftlag fortset som tidlegare. 
  • Finnås Kraftlag har gjennomfakturering med Bømlo Kraftnett og du vil få alt på ein og same faktura slik som i dag.


* Bindingstid på Norgespris 
Den første perioden med Norgespris skal gjelda frå 1. oktober 2025 til 31. desember 2026. Etter dette vil det bli fastsett ein ny fastpris frå 1. januar 2027. Ein kan bestilla Norgespris når som helst i løpet av året, du vil då ha avtalen ut 2026 på den målaren du inngår avtale på. Bindinga gjeld for målepunktet også dersom dette vert overteke av andre, enten ved sal eller utleige, så vil ein ha Norgesprisavtalen som er inngått ut perioden den er inngått for.


Les meir om stortingets vedtak her: Vedtak til lov om Norgespris og straumstønad til hushaldingar

 

Kva skal ein velgje? Norgespris eller straumstøtte

 

Graf ill. Norgespris

Norgespris: Ei straumstøtteordning der du betaler 50 øre/kWh (inkl. mva) uansett maknadspris (i tillegg kjem kraftleveandøres sitt påslag og nettleige). Dette alternativet gir forutsigbarheit, men kan vera dyrare om straumprisen er låg.

Straumstøtte: Dekker 90% av prisen over 93,75 øre/kWh, inkl. mva, men du betalar full pris under denne grensa. Du drar då nytte av låge marknadsprisar, men har risiko for høgare kostnad ved pristoppar.

Enkelt sagt: Norgespris gir tryggleik med fastpris, mens straumstøtte gir lågare pris når straumen er billig, men høgare utgifter når prisene aukar.

Er Norgespris lønsamt?

Me skulle gjerne hatt ei krystallkule for å vita korleis straumprisane utviklar seg framover. Men basert på situasjonen i dag - og sidan me ligg i eit prisområde der prisane ofte er høge - kan det sjå ut til at Norgespris vil løne seg for mange av våre kundar. Samtundes må me ta forbehald om at marknaden er vanskeleg å spå, kraftprisen blir påverka av mange ulike faktorar, og i periodar med låge prisar kan ein spotavtale med straumstøtte gi lågare kostnad.

For å hjelpe deg å vurdere dette, har me utvikla ei samanlikningsteneste i appen vår. Der kan du sjå korleis rekninga di ville sett ut med Norgespris - samanlikna med ei vanleg spotavtale med straumstøtte - basert på historiske data siste 12 månadar:

 

Skjermbilde av visning i app om Norgespris versus Straumstøtte